​የኢትዮጵያ ኤሌክትሪክ ኃይል ተቋማዊ አሰራሩን በዘመናዊ ቴክኖሎጂ ሙሉ በሙሉ ለማዘመን የሚያስችለውን «ኢ.ኢ.ፒ ሴንትራል ፖርታል» (EEP Central Portal) በራሱ አቅም አጠናቆ ወደ ትግበራ መሸጋገሩን ይፋ ማድረጉ ይታወሳል።

​በተቋሙ የዲጂታል ትራንስፎርሜሽን ዘርፍ ሥራ አስፈፃሚ ወ/ሮ ጽዮን በቀለ በሰጡት ማብራሪያ ይህ አዲስ የዲጂታል ማዕከል ተቋሙን ዘመኑ ከደረሰበት የዲጂታል ቴክኖሎጂ ጋር ለማስተሳሰር ጉልህ አበርክቶ እንዳለው ገልፀዋል።

​ወ/ሮ ጽዮን ስለ ኢ.ኢ.ፒ ሴንትራል ፖርታል የሚከተሉትን ሀሳቦች አንስተዋል።

​📌 አዲሱ ፖርታል ከተቋሙ ነባር የዲጂታል የአሰራር ሥርዓቶች (እንደ ERP እና የመሳሰሉት) ጋር ሙሉ በሙሉ የመዋሃድ አቅም ያለው ሲሆን መረጃዎችን በቀላሉ ማጋራትና ማስተሳሰር የሚያስችል ነው።

​📌 የተቋሙን ሚስጥራዊ ሰነዶች እና መረጃዎች ደህንነት ሙሉ በሙሉ ለመጠበቅ የሚያስችል ጥብቅ የቁጥጥር ሥርዓቶች ተዘርግተውለታል። በዚህም ሰነዶችን ያለፈቃድ ማየት፣ ማተም ወይም ማውረድ (download) እንዳይቻል በደረጃ የተከፋፈሉ ገደቦች ተካትተዋል።

​📌 መረጃዎችን ከመጥፋት አደጋ ለመከላከል እና ድንገተኛ ቴክኒካዊ ችግሮችን ለመቋቋም የሚያስችል ሥርዓት አለው።

​📌 ማዕከሉ ለተቋሙ የዲጂታል ትራንስፎርሜሽን ሽግግር ትልቅ ምዕራፍ የሚከፍት ሲሆን የአርቴፊሻል ኢንተለጀንስ (AI) ቴክኖሎጂዎችን በሂደት የማካተት ሰፊ ዕቅድም ተይዞለታል።

​📌 ሠራተኞች ሥርዓቱን በቀላሉ እንዲጠቀሙበት ለማስቻል ሥልጠናዎች እየተሰጡ ሲሆን የዕለት ተዕለት ሥራዎችን ያለምንም ችግር ለማከናወን ያግዛቸዋልም ተብሏል።

📌ሥርዓቱ በጋራና በትብብር ለመሥራት የሚያስችል አሠራር የተዘረጋለት በመሆኑ ሠራተኞች የውስጥ መረጃዎችን በቀላሉ እንዲለዋወጡ እና የሐሳብ ልውውጥ እንዲያደርጉ የሚያስችል ተቋማዊ ማህበራዊ መድረክ መፍጠሪያ እንዳለው ተናግረዋል፡፡